1. காஶீபஞ்சகம்
काशीपञ्चकम्॥
காஶீபஞ்சகம்॥
मनो निवृत्तिः परमोपशान्तिः
सा तीर्थवर्या मणिकर्णिका च।
ज्ञानप्रवाहा विमलादिगङ्गा
सा काशिकाहं निजबोधरूपा॥1॥
மனோ நிவ்ரு’த்தி: பரமோபஶாந்தி:
ஸா தீர்தவர்யா மணிகர்ணிகா ச।
ஞா’ன-ப்ரவாஹா விமலாதி’-க’ங்கா’
ஸா காஶிகாஹம் நிஜபோ’த”-ரூபா॥1॥
यस्यामिदं कल्पितमिन्द्रजालं
चराचरं भाति मनोविलासम्।
सच्चित्सुखैका परमात्मरूपा
सा काशिकाहं निजबोधरूपा॥2॥
யஸ்யாமித’ம் கல்பிதமிந்த்’ர-ஜாலம்
சராசரம் பா”தி மனோ-விலாஸம்।
ஸச்சித்-ஸுகைகா பரமாத்ம-ரூபா
ஸா காஶிகாஹம் நிஜபோ’த”-ரூபா॥2॥
कोशेषु पञ्चस्वधिराजमाना
बुद्धिर्भवानी प्रतिदेहगेहम्।
साक्षी शिवः सर्वगतोऽन्तरात्मा
सा काशिकाहं निजबोधरूपा॥3॥
கோஶேஷு பஞ்சஸ்வதி”-ராஜமானா
பு’த்’தி”ர்-ப”வானீ ப்ரதிதே’ஹ-கே’ஹம்।
ஸாக்ஷீ ஶிவ: ஸர்வ-க’தோ(அ)ந்தராத்மா
ஸா காஶிகாஹம் நிஜபோ’த”-ரூபா॥3॥
काश्यां हि काशते काशी
काशी सर्वप्रकाशिका।
सा काशी विदिता येन
तेन प्राप्ता हि काशिका॥4॥
காஶ்யாம் ஹி காஶதே காஶீ
காஶீ ஸர்வ-ப்ரகாஶிகா।
ஸா காஶீ விதி’தா யேன
தேன ப்ராப்தா ஹி காஶிகா॥4॥
काशीक्षेत्रं शरीरं त्रिभुवनजननी व्यापिनी ज्ञानगङ्गा
भक्तिः श्रद्धा गयेयं निजगुरुचरणध्यानयोगः प्रयागः।
विश्वेशोऽयं तुरीयं सकलजनमनःसाक्षिभूतोऽन्तरात्मा
देहे सर्वं मदीये यदि वसति पुनस्तीर्थमन्यत्किमस्ति॥5॥
காஶீக்ஷேத்ரம் ஶரீரம் த்ரிபு”வன-ஜனனீ வ்யாபினீ ஞ்ஞா’ன-க’ங்கா’
ப”க்தி: ஶ்ரத்’தா” க’யேயம் நிஜகு’ரு-சரண-த்”யான-யோக’: ப்ரயாக’:।
விஶ்வேஶோ(அ)யம் துரீயம் ஸகல-ஜனமன:-ஸாக்ஷி-பூ”தோ(அ)ந்தராத்மா
தே’ஹே ஸர்வம் மதீ’யே யதி’ வஸதி புனஸ்-தீர்தமன்யத்-கிமஸ்தி॥5॥
காஶீபஞ்சகம் ஸம்பூர்ணம்॥
यमुनाष्टकम्॥
யமுனாஷ்டகம்॥
कृपापारावारां तपनतनयां तापशमनीं
मुरारिप्रेयस्यां भवभयदवां भक्तिवरदाम्।
वियज्ज्वालोन्मुक्तां श्रियमपि सुखाप्तेः परिदिनं
सदा धीरो नूनं भजति यमुनां नित्यफलदाम्॥1॥
க்ருʼபா-பாராவாராம் தபன-தனயாம் தாப-ஶமனீம்
முராரி-ப்ரேயஸ்யாம் ப”வப”ய-தʼவாம் ப”க்திவரதாʼம்।
வியஜ்-ஜ்வாலோன்-முக்தாம் ஶ்ரியமபி ஸுகாப்தே: பரிதிʼனம்
ஸதாʼ தீ”ரோ நூனம் ப”ஜதி யமுனாம் நித்யபலதாʼம்॥1॥
मधुवनचारिणि भास्करवाहिनि जाह्नविसङ्गिनि सिन्धुसुते
मधुरिपुभूषणि माधवतोषिणि गोकुलभीतिविनाशकृते।
जगदघमोचिनि मानसदायिनि केशवकेलिनिदानगते
जय यमुने जय भीतिनिवारिणि संकटनाशिनि पावय माम्॥2॥
மது”வன-சாரிணி பா”ஸ்கர-வாஹினி ஜாஹ்னவி-ஸங்கிʼனி ஸிந்து”ஸுதே
மது”ரிபு-பூ”ஷணி மாத”வ-தோஷிணி கோʼகுல-பீ”தி-விநாஶ-க்ருʼதே।
ஜகʼதʼக”-மோசினி மானஸ-தாʼயினி கேஶவ-கேலி-நிதாʼனகʼதே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥2॥
अयि मधुरे मधुमोदविलासिनि शैलविदारिणि वेगपरे
परिजनपालिनि दुष्टनिषूदिनि वाञ्छितकामविलासधरे।
व्रजपुरवासिजनार्जितपातकहारिणि विश्वजनोद्धरिके
जय यमुने जय भीतिनिवारिणि संकटनाशिनि पावय माम्॥3॥
அயி மது”ரே மது”மோதʼ-விலாஸினி ஶைல-விதாʼரிணி வேகʼபரே
பரிஜன-பாலினி துʼஷ்ட-நிஷூதிʼனி வாஞ்சித-காம-விலாஸத”ரே।
வ்ரஜபுர-வாஸி-ஜனார்ஜித-பாதக-ஹாரிணி விஶ்-வ-ஜனோத்ʼத”ரிகே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥3॥
अतिविपदाम्बुधिमग्नजनं भवतापशताकुलमानसकं
गतिमतिहीनमशेषभयाकुलमागतपादसरोजयुगम्।
ऋणभयभीतिमनिष्कृतिपातककोटिशतायुतपुञ्जतरं
जय यमुने जय भीतिनिवारिणि संकटनाशिनि पावय माम्॥4॥
அதி-விபதாʼம்புʼதி”மக்ʼன-ஜனம் ப”வதாப-ஶதாகுல-மானஸகம்
கʼதிமதி-ஹீனமஶேஷ-ப”யாகுல-மாகʼதபாதʼ-ஸரோஜயுகʼம்।
ருʼணப”ய-பீ”தி-மநிஷ்க்ருʼதி-பாதக-கோடிஶதாயுத-புஞ்ஜதரம்
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥4॥
नवजलदद्युतिकोटिलसत्तनुहेमभयाभररञ्जितके
तडिदवहेलिपदाञ्चलचञ्चलशोभितपीतसुचेलधरे।
मणिमयभूषणचित्रपटासनरञ्जितगञ्जितभानुकरे
जय यमुने जय भीतिनिवारिणि संकटनाशिनि पावय माम्॥5॥
நவஜல-தʼத்ʼயுதி-கோடிலஸத்தனு-ஹேம-ப”யாப”ர-ரஞ்ஜிதகே
தடிʼதʼவ-ஹேலிபதாʼஞ்சல-சஞ்சல-ஶோபி”த-பீத-ஸுசேலத”ரே।
மணிமய-பூ”ஷண-சித்ரபடாஸன-ரஞ்ஜித-கʼஞ்ஜித-பா”னுகரே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥5॥
शुभपुलिने मधुमत्तयदूद्भवरासमहोत्सवकेलिभरे
उच्चकुलाचलराजितमौक्तिकहारमयाभररोदसिके।
नवमणिकोटिकभास्करकञ्चुकिशोभिततारकहारयुते
जय यमुने जय भीतिनिवारिणि संकटनाशिनि पावय माम्॥6॥
ஶுப”-புலினே மது”மத்தய-தூʼத்ʼப”வ-ராஸமஹோத்ஸவ-கேலிப”ரே
உச்சகுலாசல-ராஜித-மௌக்திக-ஹாரமயாப”ர-ரோதʼஸிகே।
நவமணி-கோடிக-பா”ஸ்கர-கஞ்சுகி-ஶோபி”த-தாரக-ஹாரயுதே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥6॥
करिवरमौक्तिकनासिकभूषणवातचमत्कृतचञ्चलके
मुखकमलामलसौरभचञ्चलमत्तमधुव्रतलोचनिके।
मणिगणकुण्डललोलपरिस्फुरदाकुलगण्डयुगामलके
जय यमुने जय भीतिनिवारिणि संकटनाशिनि पावय माम्॥7॥
கரிவர-மௌக்திக-நாஸிக-பூ”ஷண-வாதசமத்க்ருʼத-சஞ்சலகே
முக-கமலாமல-ஸௌரப”-சஞ்சல-மத்த-மது”வ்ரத-லோசனிகே।
மணிகʼண-குண்டʼல-லோலபரிஸ்புர-தாʼகுலகʼண்டʼ-யுகாʼமலகே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥7॥
कलरवनूपुरहेममयाचितपादसरोरुहसारुणिके
धिमिधिमिधिमिधिमितालविनोदितमानसमञ्जुलपादगते।
तव पदपङ्कजमाश्रितमानवचित्तसदाखिलतापहरे
जय यमुने जय भीतिनिवारिणि संकटनाशिनि पावय माम्॥8॥
கலரவ-நூபுர-ஹேமமயாசித-பாதʼஸரோருஹ-ஸாருணிகே
தி”மிதி”மி-தி”மிதி”மி-தாலவினோதிʼத-மானஸ-மஞ்ஜுல-பாதʼகʼதே।
தவ பதʼ-பங்கஜமாஶ்ரிதமானவ-சித்த-ஸதாʼகில-தாபஹரே
ஜய யமுனே ஜய பீ”தி-நிவாரிணி ஸங்கட-நாஶினி பாவய மாம் ॥8॥
भवोत्तापाम्भोधौ निपतितजनो दुर्गतियुतो
यदि स्तौति प्रातः प्रतिदिनमनन्याश्रतयया।
हयाह्लेषैः कामं करकुसुमपुञ्जै रविसुतां
सदा भोक्ता भोगान्मरणसमये याति हरिताम्॥9॥
ப”வோத்தாபாம்-போ”தௌ” நிபதித-ஜனோ துʼர்கʼதியுதோ
யதிʼ ஸ்தௌதி ப்ராத: ப்ரதிதிʼன-மனன்யாஶ்ர-தயயா।
ஹயாஹ்லேஷை: காமம் கரகுஸும-புஞ்ஜை ரவிஸுதாம்
ஸதாʼ போ”க்தா போ”காʼன்-மரண-ஸமயே யாதி ஹரிதாம்॥9॥
यमुनाष्टकं संपूर्णम्॥
யமுனாஷ்டகம் ஸம்பூர்ணம்॥
गङ्गाष्टकम्॥
கʼங்காʼஷ்டகம்॥
भगवति भवलीलामौलिमाले तवाम्भः
कणमणुपरिमाणं प्राणिनो ये स्पृशन्ति।
अमरनगरनारीचामरग्राहिणीनां
विगतकलिकलङ्कातङ्कमङ्के लुठन्ति॥1॥
ப”கʼவதி ப”வலீலா-மௌலிமாலே தவாம்ப”:
கணமணு-பரிமாணம் ப்ராணினோ யேஸ்ப்ருʼஶந்தி।
அமர-நகʼர-நாரீ-சாமர-க்ʼராஹிணீனாம்
விகʼத-கலி-கலங்காதங்கமங்கே லுடந்தி॥1॥
ब्रह्माण्डं खण्ढयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात्स्खलन्ती।
क्षोणीपृष्टे लुठन्ती दुरितचयचमूनिर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु॥2॥
ப்ʼரஹ்மாண்டʼம் கண்ட”யந்தீ ஹரஶிரஸி ஜடா-வல்லி-முல்லாஸயந்தீ
ஸ்வர்லோகா-தாʼபதந்தீ கனககிʼரி-குʼஹா-கʼண்டʼ-ஶைலாத்ஸ்கலந்தீ।
க்ஷோணீ-ப்ருʼஷ்டே லுடந்தீ துʼரித-சயசமூ-நிர்ப”ரம் ப”ர்த்ஸயந்தீ
பாதோதி”ம் பூரயந்தீ ஸுர-நகʼர-ஸரித்-பாவனீ ந: புனாது॥2॥
मज्जन्मातङ्गकुम्भच्युतमदमदिरामोदमत्तालिजालं
स्नानैः सिद्धाङ्गनानां कुचयुगविगलत्कुङ्कुमासङ्गपिङ्गम्।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकरमकराक्रान्तरंहस्तरङ्गम्॥3॥
மஜ்ஜன்-மாதங்கʼ-கும்ப”ச்யுதமதʼமதிʼராமோதʼ-மத்தாலி-ஜாலம்
ஸ்னானை: ஸித்ʼதா”ங்கʼனானாம் குசயுகʼ-விகʼலத்-குங்குமாஸங்கʼ-பிங்கʼம்।
ஸாயம் ப்ராதர்-முனீனாம் குஶகுஸுமசயைஶ்-சின்ன-தீரஸ்தநீரம்
பாயான்னோ காʼங்கʼமம்ப”: கரிகர-மகராக்ராந்தரம்-ஹஸ்தரங்கʼம்॥3॥
आदावादिपितामहस्य नियमव्यापारपात्रे जलं
पश्चात्पन्नगशायिनो भगवतः पादोदकं पावनम्।
भूयः शंभुजटाविभूषणमणिर्जह्नोर्महर्षेरियं
कन्या कल्मषनाशिनी भगवती भागीरथी पातु माम्॥4॥
ஆதாʼவாதிʼ-பிதாமஹஸ்ய நியம-வ்யாபார-பாத்ரே ஜலம்
பஶ்சாத்-பன்னகʼ-ஶாயினோப”கʼவத: பாதோʼதʼகம் பாவனம்।
பூ”ய: ஶம்பு”-ஜடா-விபூ”ஷண-மணிர்-ஜஹ்னோர்-மஹர்ஷேரியம்
கன்யா கல்மஷ-நாஶினீ ப”கʼவதீ பா”கீʼரதீ பாதுமாம்॥4॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणीसमुत्सारिणी।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी॥5॥
ஶைலேந்த்ʼராதʼவதாரிணீ நிஜஜலே மஜ்ஜஜ்-ஜனோத்தாரிணீ
பாராவார-விஹாரிணீ ப”வப”ய-ஶ்ரேணீ-ஸமுத்ஸாரிணீ।
ஶேஷாங்கைʼரனுகாரிணீ ஹரஶிரோ-வல்லீதʼலா-காரிணீ
காஶீப்ராந்த-விஹாரிணீ விஜயதேகʼங்காʼ மனோஹாரிணீ ॥5॥
कुतोSवीची वीचिस्तव यदि गता लोचनपथं
त्वमापीता पीताम्बरपुरनिवासं वितरसि।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः॥6॥
குதோ(அ)வீசீ வீசிஸ்தவ யதிʼ கʼதா லோசனபதம்
த்வமாபீதா பீதாம்பʼரபுர-நிவாஸம் விதரஸி।
த்வதுʼத்ஸங்கேʼ கʼங்கேʼ பததி யதிʼ காயஸ்-தனுப்”ருʼதாம்
ததாʼ மாத: ஶாந்தக்ர-தவபதʼ-லாபோ”(அ)ப்யதி-லகு”:॥6॥
भगवति तव तीरे नीरमात्राशनोऽहं
विगतविषयतृष्णः कृष्णमाराधयामि।
सकलकलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद॥7॥
ப”கʼவதி தவ தீரே நீர-மாத்ராஶனோ(அ)ஹம்
விகʼத-விஷய-த்ருʼஷ்ண: க்ருʼஷ்ணமாராத”யாமி।
ஸகல-கலுஷ-ப”ங்கேʼ ஸ்வர்கʼ-ஸோபான-ஸங்கேʼ
தரலதர-தரங்கேʼ தேʼவி கʼங்கேʼ ப்ரஸீதʼ॥7॥
मातर्जाह्नवि शंभुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम्।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती॥8॥
மாதர்-ஜாஹ்னவி ஶம்பு”-ஸங்கʼமிலிதே மௌலௌ நிதா”யாஞ்ஜலிம்
த்வத்தீரே வபுஷோ(அ)வஸான-ஸமயே நாராயணாங்க்”ரி-த்ʼவயம்।
ஸானந்தʼம் ஸ்மரதோப”விஷ்யதிமமப்ராண-ப்ரயாணோத்ஸவே
பூ”யாத்ʼ-ப”க்திரவிச்யுதாஹரிஹராத்ʼவைதாத்மிகாஶாஶ்வதீ॥8॥
गङ्गाष्टकमिदं पुण्यं
यः पठेत्प्रयतो नरः।
सर्वपापविनिर्मुक्तो
विष्णुलोकं स गच्छति॥9॥
கʼங்காʼஷ்டகமிதʼம் புண்யம்
ய: படேத்-ப்ரயதோ நர:।
ஸர்வபாப-விநிர்முக்தோ
விஷ்ணுலோகம் ஸ கʼச்சதி॥9॥
गङ्गाष्टकं संपूर्णम्॥
கʼங்காʼஷ்டகம் ஸம்பூர்ணம்॥
यमुनाष्टकम्॥ (2)
யமுனாஷ்டகம்॥(2)
मुरारिकायकालिमाललामवारिधारिणी
तृणीकृतत्रिविष्टपा त्रिलोकशोकहारिणी।
मनोनुकूलकूलकुञ्जपुञ्जधूतदुर्मदा
धुनोतु नो मनोमलं कलिन्दनन्दिनी सदा॥1॥
முராரிகாய-காலிமால-லாமவாரி-தா”ரிணீ
த்ருʼணீக்ருʼத-த்ரிவிஷ்டபா த்ரிலோக-ஶோக-ஹாரிணீ।
மனோனுகூல-கூலகுஞ்ஜ-புஞ்ஜதூ”த-துʼர்மதாʼ
து”னோது நோ மனோமலம் கலிந்தʼனந்திʼனீ ஸதாʼ॥1॥
मलापहारिवारिपूरिभूरिमण्डितामृता
भृशं प्रवातकप्रपञ्चनातिपण्डितानिशा।
सुनन्दनन्दिनाङ्गसङ्गरागरञ्जिता हिता
धुनोतु नो मनोमलं कलिन्दनन्दिनी सदा॥2॥
மலாபஹாரி-வாரிபூரி-பூ”ரிமண்டிʼதாம்ருʼதா
ப்”ருʼஶம் ப்ரவாதக-ப்ரபஞ்சனாதி-பண்டிʼதாநிஶா।
ஸுநந்தʼ-னந்திʼனாங்கʼ-ஸங்கʼ-ராகʼ-ரஞ்ஜிதா ஹிதா
து”னோது நோ மனோமலம் கலிந்தʼனந்திʼனீ ஸதாʼ॥2॥
लसत्तरङ्गसङ्गधूतभूतजातपातका
नवीनमाधुरीधुरीणभक्तिजातचातका।
तटान्तवासदासहंससंवृताह्निकामदा
धुनोतु नो मनोमलं कलिन्दनन्दिनी सदा॥3॥
லஸத்தரங்கʼ-ஸங்கʼ-தூ”த-பூ”தஜாத-பாதகா
நவீன-மாது”ரீ-து”ரீண-ப”க்தி-ஜாத-சாதகா।
தடாந்தவாஸ-தாʼஸ-ஹம்ஸ-ஸம்வ்ருʼதாஹ்நி-காமதாʼ
து”னோது நோ மனோமலம் கலிந்தʼனந்திʼனீ ஸதாʼ॥3॥
विहाररासखेदभेदधीरतीरमारुता
गता गिरामगोचरे यदीयनीरचारुता।
प्रवाहसाहचर्यपूतमेदिनीनदीनदा
धुनोतु नो मनोमलं कलिन्दनन्दिनी सदा॥4॥
விஹாரராஸ-கேதʼபே”தʼ-தீ”ரதீர-மாருதா
கʼதா கிʼரா-மகோʼசரே யதீʼயநீர-சாருதா।
ப்ரவாஹஸாஹ-சர்யபூத-மேதிʼனீ-நதீʼனதாʼ
து”னோது நோ மனோமலம் கலிந்தʼனந்திʼனீ ஸதாʼ॥4॥
तरङ्गसङ्गसैकतान्तरातितं सदासिता
शरन्निशाकरांशुमञ्जुमञ्जरी सभाजिता।
भवार्चनाप्रचारुणाम्बुनाधुना विशारदा
धुनोतु नो मनोमलं कलिन्दनन्दिनी सदा॥5॥
தரங்கʼ-ஸங்கʼ-ஸைகதாந்தராதிதம் ஸதாʼஸிதா
ஶரந்நிஶா-கராம்ஶு-மஞ்ஜு-மஞ்ஜரீ ஸபா”ஜிதா।
ப”வார்சனா-ப்ரசாருணாம்புʼ-னாது”னா விஶாரதாʼ
து”னோது நோ மனோமலம் கலிந்தʼனந்திʼனீ ஸதாʼ॥5॥
जलान्तकेलिकारिचारुराधिकाङ्गरागिणी
स्वभर्तुरन्यदुर्लभाङ्गताङ्गतांशभागिनी।
स्वदत्तसुप्तसप्तसिन्धुभेदिनातिकोविदा
धुनोतु नो मनोमलं कलिन्दनन्दिनी सदा॥6॥
ஜலாந்தகேலிகாரி-சாருராதி”காங்கʼ-ராகிʼணீ
ஸ்வப”ர்துரன்ய-துʼர்லபா”ங்கʼ-தாங்கʼதாம்ஶ-பா”கிʼனீ।
ஸ்வதʼத்த-ஸுப்த-ஸப்தஸிந்து”-பே”திʼனாதி-கோவிதாʼ
து”னோது நோ மனோமலம் கலிந்தʼனந்திʼனீ ஸதாʼ॥6॥
जलच्युताच्युताङ्गरागलम्पटालिशालिनी
विलोलराधिकाकचान्तचम्पकालिमालिनी।
सदावगाहनावतीर्णभर्तृभृत्यनारदा
धुनोतु नो मनोमलं कलिन्दनन्दिनी सदा॥7॥
ஜலச்யுதாச்யுதாங்கʼராகʼ-லம்படாலி-ஶாலினீ
விலோல-ராதி”காக-சாந்த-சம்பகாலி-மாலினீ।
ஸதாʼவகாʼஹ-னாவதீர்ண-ப”ர்த்ருʼ-ப்”ருʼத்ய-நாரதாʼ
து”னோது நோ மனோமலம் கலிந்தʼனந்திʼனீ ஸதாʼ॥7॥
सदैव नन्दिनन्दकेलिशालिकुञ्जमञ्जुला
तटोत्थफुल्लमल्लिकाकदम्बरेणुसूज्ज्वला।
जलावगाहिनां नृणां भवाब्धिसिन्धुपारदा
धुनोतु नो मनोमलं कलिन्दनन्दिनी सदा॥8॥
ஸதைʼவ நந்திʼ-னந்தʼகேலி-ஶாலிகுஞ்ஜ-மஞ்ஜுலா
தடோத்த-புல்ல-மல்லிகா-கதʼம்பʼ-ரேணு-ஸூஜ்ஜ்வலா।
ஜலாவகாʼஹினாம் ந்ருʼணாம் ப”வாப்ʼதி”-ஸிந்து”பாரதாʼ
து”னோது நோ மனோமலம் கலிந்தʼனந்திʼனீ ஸதாʼ॥8॥
यमुनाष्टकं संपूर्णम्॥
யமுனாஷ்டகம் ஸம்பூர்ணம்॥
मणिकर्णिकाष्टकम्॥
மணிகர்ணிகாஷ்டகம்॥
त्वत्तीरे मणिकर्णिके हरिहरौ सायुज्यमुक्तिप्रदौ
वादन्तौ कुरुतः परस्परमुभौ जन्तोः प्रयाणोत्सवे।
मद्रूपो मनुजोऽयमस्तु हरिणा प्रोक्तः शिवस्तत्क्षणा-
त्तन्मध्याद्भृगुलाञ्छनो गरुडगः पीताम्बरो निर्गतः॥1॥
த்வத்தீரே மணிகர்ணிகே ஹரிஹரௌ
ஸாயுஜ்ய-முக்திப்ரதௌʼ
வாதʼந்தௌ குருத: பரஸ்பர-முபௌ”
ஜந்தோ: ப்ரயாணோத்ஸவே।
மத்ʼரூபோ மனுஜோ(அ)யமஸ்து ஹரிணா
ப்ரோக்த: ஶிவஸ்-தத்க்ஷணாத்
தன்மத்”யாத்ʼ-ப்”ருʼகுʼ-லாஞ்சனோ கʼருடʼகʼ:
பீதாம்பʼரோ நிர்கʼத:॥1॥
इन्द्राद्यास्त्रिदशाः पतन्ति नियतं भोगक्षये ये पुन-
र्जायन्ते मनुजास्ततोपि पशवः कीटाः पतङ्गादयः।
ये मातर्मणिकर्णिके तव जले मज्जन्ति निष्कल्मषाः
सायुज्येऽपि किरीटकौस्तुभधरा नारायणाः स्युर्नराः॥2॥
இந்த்ʼராத்ʼயாஸ்-த்ரிதʼஶா: பதந்தி நியதம்
போ”கʼக்ஷயே யே புனர்-
ஜாயந்தே மனுஜாஸ்ததோபி பஶவ:
கீடா: பதங்காʼதʼய:।
யே மாதர்-மணிகர்ணிகே தவ ஜலே
மஜ்ஜந்தி நிஷ்கல்மஷா:
ஸாயுஜ்யே(அ)பி கிரீட-கௌஸ்துப”-த”ரா
நாராயணா: ஸ்யுர்னரா:॥2॥
काशी धन्यतमा विमुक्तनगरी सालंकृता गङ्गया
तत्रेयं मणिकर्णिका सुखकरी मुक्तिर्हि तत्किंकरी।
स्वर्लोकस्तुलितः सहैव विबुधैः काश्या समं ब्रह्मणा
काशी क्षोणितले स्थिता गुरुतरा स्वर्गो लघुत्वं गतः॥3॥
காஶீ த”ன்யதமா விமுக்த-நகʼரீ
ஸாலங்க்ருʼதா கʼங்கʼயா
தத்ரேயம் மணிகர்ணிகா ஸுககரீ
முக்திர்ஹி தத்கிங்கரீ।
ஸ்வர்லோகஸ்-துலித: ஸஹைவ விபுʼதை”:
காஶ்யா ஸமம் ப்ʼரஹ்மணா
காஶீ க்ஷோணிதலே ஸ்திதா குʼருதரா
ஸ்வர்கோʼ லகு”த்வம் கʼத:॥3॥
गङ्गातीरमनुत्तमं हि सकलं तत्रापि काश्युत्तमा
तस्यां सा मणिकर्णिकोत्तमतमा यत्रेश्वरो मुक्तिदः।
देवानामपि दुर्लभं स्थलमिदं पापौघनाशक्षमं
पूर्वोपार्जितपुण्यपुञ्जगमकं पुण्यैर्जनैः प्राप्यते॥4॥
கʼங்காʼதீரமனுத்தமம் ஹி ஸகலம்
தத்ராபி காஶ்யுத்தமா
தஸ்யாம் ஸா மணிகர்ணிகோத்தம-தமா
யத்ரேஶ்வரோ முக்திதʼ:।
தேʼவாநாமபி துʼர்லப”ம் ஸ்தலமிதʼம்
பாபௌக”-நாஶக்ஷமம்
பூர்வோபார்ஜித-புண்ய-புஞ்ஜகʼமகம்
புண்யைர்-ஜனை: ப்ராப்யதே॥4॥
दुःखाम्भोधिगतो हि जन्तुनिवहस्तेषां कथं निष्कृतिः
ज्ञात्वा तद्धि विरिञ्चिना विरचिता वाराणसी शर्मदा।
लोकाःस्वर्गसुखास्ततोऽपि लघवो भोगान्तपातप्रदाः
काशी मुक्तिपुरी सदा शिवकरी धर्मार्थमोक्षप्रदा॥5॥
துʼ:காம்போ”தி”-கʼதோ ஹி ஜந்துனிவஹஸ்-தேஷாம்
கதம் நிஷ்க்ருʼதி:
ஜ்ஞாத்வா தத்ʼதி” விரிஞ்சினா விரசிதா
வாராணஸீ ஶர்மதாʼ।
லோகா:ஸ்வர்கʼ-ஸுகாஸ்-ததோ(அ)பி லக”வோ
போ”காʼந்த-பாதப்ரதாʼ:
காஶீ முக்திபுரீ ஸதாʼ ஶிவகரீ
த”ர்மார்த-மோக்ஷ-ப்ரதாʼ॥5॥
एको वेणुधरो धराधरधरः श्रीवत्सभूषाधरः
योऽप्येकः किल शंकरो विषधरो गङ्गाधरो माधवः।
ये मातर्मणिकर्णिके तव जले मज्जन्ति ते मानवाः
रुद्रा वा हरयो भवन्ति बहवस्तेषां बहुत्वं कथम्॥6॥
ஏகோ வேணுத”ரோ த”ராத”ரத”ர:
ஶ்ரீவத்ஸ-பூ”ஷாத”ர:
யோ(அ)ப்யேக: கில ஶங்கரோ விஷத”ரோ
கʼங்காʼத”ரோ மாத”வ:।
யே மாதர்-மணிகர்ணிகே தவ ஜலே
மஜ்ஜந்தி தே மானவா:
ருத்ʼரா வா ஹரயோ ப”வந்தி
பʼஹவஸ்-தேஷாம் பʼஹுத்வம் கதம்॥6॥
त्वत्तीरे मरणं तु मङ्गलकरं देवैरपि श्लाघ्यते
शक्रस्तं मनुजं सहस्रनयनैर्द्रष्टुं सदा तत्परः।
आयान्तं सविता सहस्रकिरणैः प्रत्युद्गतोऽभूत्सदा
पुण्योऽसौ वृषगोऽथवा गरुडगः किं मन्दिरं यास्यति॥7॥
த்வத்தீரே மரணம் து மங்கʼல-கரம்
தேʼவைரபி ஶ்லாக்”யதே
ஶக்ரஸ்தம் மனுஜம் ஸஹஸ்ர-நயனைர்-த்ʼரஷ்டும்
ஸதாʼ தத்பர:।
ஆயாந்தம் ஸவிதா ஸஹஸ்ர-கிரணை:
ப்ரத்யுத்ʼகʼதோ(அ)பூ”த்-ஸதாʼ
புண்யோ(அ)ஸௌ வ்ருʼஷகோʼ(அ)தவா கʼருடʼகʼ:
கிம் மந்திʼரம் யாஸ்யதி॥7॥
मध्याह्ने मणिकर्णिकास्नपनजं पुण्यं न वक्तुं क्षमः
स्वीयैरब्धशतैश्चतुर्मुखधरो वेदार्थदीक्षागुरुः।
योगाभ्यासबलेन चन्द्रशिखरस्तत्पुण्यपारंगत-
स्त्वत्तीरे प्रकरोति सुप्तपुरुषं नारायणं वा शिवम्॥8॥
மத்”யாஹ்னே மணிகர்ணிகா-ஸ்னபனஜம்
புண்யம் ந வக்தும் க்ஷம:
ஸ்வீயைரப்ʼத”-ஶதைஶ்-சதுர்முகத”ரோ
வேதாʼர்த-தீʼக்ஷாகுʼரு:।
யோகாʼப்”யாஸ-பʼலேன சந்த்ʼர-ஶிகரஸ்-
தத்புண்ய-பாரங்கʼத-
ஸ்த்வத்தீரே ப்ரகரோதி ஸுப்த-புருஷம்
நாராயணம் வா ஶிவம்॥8॥
कृच्छ्रैः कोटिशतैः स्वपापनिधनं यच्चाश्वमेधैः फलं
तत्सर्वं मणिकर्णिकास्नपनजे पुण्ये प्रविष्टं भवेत्।
स्नात्वा स्तोत्रमिदं नरः पठति चेत्संसारपाथोनिधिं
तीर्त्वा पल्वलवत्प्रयाति सदनं तेजोमयं ब्रह्मणः॥9॥
க்ருʼச்ச்ரை: கோடிஶதை: ஸ்வபாப-நித”னம்
யச்சாஶ்வமேதை”: பலம்
தத்ஸர்வம் மணிகர்ணிகா-ஸ்னபனஜே
புண்யே ப்ரவிஷ்டம் ப”வேத்।
ஸ்னாத்வா ஸ்தோத்ரமிதʼம் நர: படதி சேத்-
ஸம்ஸார-பாதோநிதி”ம்
தீர்த்வா பல்வலவத்-ப்ரயாதி ஸதʼனம்
தேஜோமயம் ப்ʼரஹ்மண:॥9॥
मणिकर्णिकाष्टकं संपूर्णम्॥
மணிகர்ணிகாஷ்டகம் ஸம்பூர்ணம்॥
नर्मदाष्टकम्॥
நர்மதாʼஷ்டகம்॥
सबिन्दुसिन्धुसुस्खलत्तरङ्गभङ्गरञ्जितं
द्विषत्सु पापजातजातकादिवारिसंयुतम्।
कृतान्तदूतकालभूतभीतिहारिवर्मदे
त्वदीयपादपङ्कजं नमामि देवि नर्मदे॥1॥
ஸபிʼந்துʼ-ஸிந்து”-ஸுஸ்கலத்-தரங்கʼ-ப”ங்கʼ-ரஞ்ஜிதம்
த்ʼவிஷத்ஸு பாப-ஜாத-ஜாதகாதிʼ-வாரி-ஸம்யுதம்।
க்ருʼதாந்த-தூʼத-காலபூ”த-பீ”தி-ஹாரி-வர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥1॥
त्वदम्बुलीनदीनमीनदिव्यसंप्रदायकं
कलौ मलौघभारहारिसर्वतीर्थनायकम्।
सुमच्छकच्छनक्रचक्रवाकचक्रशर्मदे
त्वदीयपादपङ्कजं नमामि देवि नर्मदे॥2॥
த்வதʼம்புʼலீ-நதீʼனமீன-திʼவ்ய-ஸம்ப்ரதாʼயகம்
கலௌ மலௌக”-பா”ரஹாரி-ஸர்வதீர்த-நாயகம்।
ஸுமச்ச-கச்ச-நக்ர-சக்ரவாக-சக்ர-ஶர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥2॥
महागभीरनीरपूरपापधूतभूतलं
ध्वनत्समस्तपातकारिदारितापदाचलम्।
जगल्लये महाभये मृकण्डुसूनुहर्म्यदे
त्वदीयपादपङ्कजं नमामि देवि नर्मदे॥3॥
மஹாகʼபீ”ர-நீரபூர-பாபதூ”த-பூ”தலம்
த்”வனத்-ஸமஸ்த-பாதகாரி-தாʼரிதா-பதாʼசலம்।
ஜகʼல்லயே மஹாப”யே ம்ருʼகண்டுʼ-ஸூனு-ஹர்ம்யதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥3॥
गतं तदैव मे भयं त्वदम्बु वीक्षितं यदा
मृकण्डुसूनुशौनकासुरारिसेवितं सदा।
पुनर्भवाब्धिजन्मजं भवाब्धिदुःखवर्मदे
त्वदीयपादपङ्कजं नमामि देवि नर्मदे॥4॥
கʼதம் ததைʼவ மே ப”யம் த்வதʼம்புʼ வீக்ஷிதம் யதாʼ
ம்ருʼகண்டுʼ-ஸூனு-ஶௌனகாஸுராரி-ஸேவிதம் ஸதாʼ।
புனர்ப”வாப்ʼதி”-ஜன்மஜம் ப”வாப்ʼதி”-துʼ꞉க-வர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥4॥
अलक्ष्यलक्षकिन्नरामरासुरादिपूजितं
सुलक्षनीरतीरधीरपक्षिलक्षकूजितम्।
वसिष्ठशिष्टपिप्पलादिकर्दमादिशर्मदे
त्वदीयपादपङ्कजं नमामि देवि नर्मदे॥5॥
அலக்ஷ்ய-லக்ஷ-கின்னராமரா-ஸுராதிʼ-பூஜிதம்
ஸுலக்ஷ-நீர-தீர-தீ”ர-பக்ஷிலக்ஷ-கூஜிதம்।
வஸிஷ்ட-ஶிஷ்ட-பிப்பலாதிʼ-கர்தʼமாதிʼ-ஶர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥5॥
सनत्कुमारनाचिकेतकश्यपात्रिषट्पदै-
र्धृतं स्वकीयमानसेषु नारदादिषट्पदैः।
रवीन्दुरन्तिदेवदेवराजकर्मशर्मदे
त्वदीयपादपङ्कजं नमामि देवि नर्मदे॥6॥
ஸனத்குமார-நாசிகேத-கஶ்யபா-த்ரிஷட்பதைʼர்-
த்”ருʼதம் ஸ்வகீய-மானஸேஷு நாரதாʼதிʼ-ஷட்பதைʼ꞉।
ரவீந்துʼ-ரந்திதேʼவ-தேʼவ-ராஜகர்ம-ஶர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥6॥
अलक्षलक्षलक्षपापलक्षसारसायुधं
ततस्तु जीवजन्तुतन्तुभुक्तिमुक्तिदायकम्।
विरिञ्चिविष्णुशंकरस्वकीयधामवर्मदे
त्वदीयपादपङ्कजं नमामि देवि नर्मदे॥7॥
அலக்ஷலக்ஷ-லக்ஷபாப-லக்ஷஸார-ஸாயுத”ம்
ததஸ்து ஜீவ-ஜந்து-தந்து-பு”க்தி-முக்தி-தாʼயகம்।
விரிஞ்சி-விஷ்ணு-ஶங்கர-ஸ்வகீய-தா”ம-வர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥7॥
अहो धृतं स्वनं श्रुतं महेशिकेशजातटे
किरातसूतबाडबेषु पण्डिते शठे नटे।
दुरन्तपापतापहारि सर्वजन्तुशर्मदे
त्वदीयपादपङ्कजं नमामि देवि नर्मदे॥8॥
அஹோ த்”ருʼதம் ஸ்வனம் ஶ்ருதம் மஹேஶி-கேஶஜாதடே
கிராத-ஸூத-பாʼடʼபேʼஷு பண்டிʼதே ஶடே நடே।
துʼரந்த-பாப-தாப-ஹாரி ஸர்வ-ஜந்து-ஶர்மதேʼ
த்வதீʼய-பாதʼ-பங்கஜம் நமாமி தேʼவி நர்மதேʼ॥8॥
इदं तु नर्मदाष्ठकं त्रिकालमेव ये सदा
पठन्ति ते निरन्तरं न यन्ति दुर्गतिं कदा।
सुलभ्यदेहदुर्लभं महेशधामगौरवं
पुनर्भवा नरा न वै विलोकयन्ति रौरवम्॥9॥
இதʼம் து நர்மதாʼஷ்டகம் த்ரிகாலமேவ யே ஸதாʼ
படந்தி தே நிரந்தரம் ந யந்தி துʼர்கʼதிம் கதாʼ।
ஸுலப்”ய-தேʼஹ-துʼர்லப”ம் மஹேஶ-தா”ம-கௌʼரவம்
புனர்ப”வா நரா ந வை விலோகயந்தி ரௌரவம்॥9॥
नर्मदाष्टकं संपूर्णम्॥
நர்மதாʼஷ்டகம் ஸம்பூர்ணம்॥
