उपदेशपञ्चकम्॥
உபதேʼஶபஞ்சகம்॥
वेदो नित्यमधीयतां तदुदितं कर्म स्वनुष्ठीयतां
तेनेशस्य विधीयतामपचितिः काम्ये मतिस्त्यज्यताम्।
पापौघः परिधूयतां भवसुखे दोषोऽनुसंधीयतां
आत्मेच्छा व्यवसीयतां निजगृहात्तूर्णं विनिर्गम्यताम् ॥1॥
வேதோʼ நித்யமதீ”யதாம் ததுʼதிʼதம்
கர்ம ஸ்வனுஷ்டீயதாம்
தேனேஶஸ்ய விதீ”யதாமபசிதி:
காம்யே மதிஸ்த்யஜ்யதாம்।
பாபௌக”: பரிதூ”யதாம் ப”வஸுகே
தோʼஷோ(அ)னுஸந்தீ”யதாம்
ஆத்மேச்சா வ்யவஸீயதாம் நிஜக்ʼருʼஹாத்தூர்ணம்
விநிர்கʼம்யதாம் ॥ 1॥
सङ्गः सत्सु विधीयतां भगवतो भक्तिर्दृढाधीयतां
शान्त्यादिः परिचीयतां दृढतरं कर्माशु संत्यज्यताम्।
सद्विद्वानुपसृप्यतां प्रतिदिनं तत्पादुका सेव्यतां
ब्रह्मैकाक्षरमर्थ्यतां श्रुतिशिरोवाक्यं समाकर्ण्यताम्॥2॥
ஸங்கʼ: ஸத்ஸு விதீ”யதாம்
ப”கʼவதோ ப”க்திர்த்ʼருʼடா”தீ”யதாம்
ஶாந்த்யாதிʼ: பரிசீயதாம் த்ʼருʼட”தரம்
கர்மாஶு ஸந்த்யஜ்யதாம்।
ஸத்ʼவித்ʼவானுபஸ்ருʼப்யதாம் ப்ரதிதிʼனம்
தத்பாதுʼகா ஸேவ்யதாம்
ப்ʼரஹ்மைகாக்ஷரமர்த்யதாம் ஶ்ருதிஶிரோ-வாக்யம்
ஸமாகர்ண்யதாம்॥2॥
वाक्यार्थश्च विचार्यतां श्रुतिशिरःपक्षः समाश्रीयतां
दुस्तर्कात्सुविरम्यतां श्रुतिमतस्तर्कोऽनुसंधीयताम्।
ब्रह्मास्मीति विभाव्यतामहरहर्गर्वः परित्यज्यतां
देहेऽहंमतिरुज्झ्यतां बुधजनैर्वादः परित्यज्यताम्॥3॥
வாக்யார்தஶ்ச விசார்யதாம்
ஶ்ருதிஶிர:பக்ஷ: ஸமாஶ்ரீயதாம்
துʼஸ்தர்காத்ஸுவிரம்யதாம்
ஶ்ருதிமதஸ்தர்கோ(அ)னுஸந்தீ”யதாம்।
ப்ʼரஹ்மாஸ்மீதி விபா”வ்யதாமஹரஹர்-கʼர்வ:
பரித்யஜ்யதாம்
தேʼஹே(அ)ஹம்மதிருஜ்ஜ்யதாம்
புʼத”ஜனைர்வாதʼ: பரித்யஜ்யதாம்॥3॥
क्षुद्व्याधिश्च चिकित्स्यतां प्रतिदिनं भिक्षौषधं भुज्यतां
स्वाद्वन्नं न तु याच्यतां विधिवशात्प्राप्तेन संतुष्यताम्।
शीतोष्णादि विषह्यतां न तु वृथा वाक्यं समुच्चार्यतां
औदासीन्यमभीप्स्यतां जनकृपानैष्ठुर्यमुत्सृज्यताम्॥4॥
க்ஷுத்ʼவ்யாதி”ஶ்ச சிகித்ஸ்யதாம்
ப்ரதிதிʼனம் பி”க்ஷௌஷத”ம் பு”ஜ்யதாம்
ஸ்வாத்ʼவன்னம் ந து யாச்யதாம்
விதி”வஶாத்-ப்ராப்தேன ஸந்துஷ்யதாம்।
ஶீதோஷ்ணாதிʼ விஷஹ்யதாம்
ந து வ்ருʼதா வாக்யம் ஸமுச்சார்யதாம்
ஔதாʼஸீன்யமபீ”ப்ஸ்யதாம்
ஜனக்ருʼபாநைஷ்டுர்யமுத்ஸ்ருʼஜ்யதாம்॥4॥
एकान्ते सुखमास्यतां परतरे चेतः समाधीयतां
पूर्णात्मा सुसमीक्ष्यतां जगदिदं तद्बाधितं दृश्यताम्।
प्राक्कर्म प्रविलाप्यतां चितिबलान्नाप्युत्तरैः श्लिष्यतां
प्रारब्धं त्विह भुज्यतामथ परब्रह्मात्मना स्थीयताम्॥5॥
ஏகாந்தே ஸுகமாஸ்யதாம்
பரதரே சேத: ஸமாதீ”யதாம்
பூர்ணாத்மா ஸுஸமீக்ஷ்யதாம்
ஜகʼதிʼதʼம் தத்ʼபாʼதி”தம் த்ʼருʼஶ்யதாம்।
ப்ராக்கர்ம ப்ரவிலாப்யதாம்
சிதிபʼலான்னாப்யுத்தரை: ஶ்லிஷ்யதாம்
ப்ராரப்ʼத”ம் த்விஹ பு”ஜ்யதாம்
அத பரப்ʼரஹ்மாத்மனா ஸ்தீயதாம்॥5॥
உபதேʼஶபஞ்சகம் ஸம்பூர்ணம்॥
अद्वैतपञ्चरत्नम्॥
அத்’வைதபஞ்சரத்னம்॥
नाहं देहो नेन्द्रियाण्यन्तरङ्गो
नाहंकारः प्राणवर्गो न बुद्धिः।
दारापत्यक्षेत्रवित्तादिदूरः
साक्षी नित्यः प्रत्यगात्मा शिवोऽहम्॥1॥
நாஹம் தே’ஹோ நேந்த்’ரியாண்யந்தரங்கோ’
நாஹங்கார: ப்ராணவர்கோ’ ந பு’த்’தி”:।
தா’ராபத்ய-க்ஷேத்ரவித்தாதி’-தூ’ர:
ஸாக்ஷீ நித்ய: ப்ரத்யகா’த்மா ஶிவோ(அ)ஹம்॥1॥
रज्ज्वज्ञानाद्भाति रज्जौ यथाहिः
स्वात्माज्ञानादात्मनो जीवभावः।
आप्तोक्त्याहिभ्रान्तिनाशे स रज्जु:
जीवो नाहं देशिकोक्त्या शिवोऽहम्॥2॥
ரஜ்ஜ்வஞ்ஞா’னாத்’-பா”தி ரஜ்ஜௌ யதாஹி:
ஸ்வாத்மா-ஞ்ஞா’னாதா’த்மனோ ஜீவபா”வ:।
ஆப்தோக்த்யாஹி-ப்”ராந்தி-நாஶே ஸ ரஜ்ஜு:
ஜீவோ நாஹம் தே’ஶிகோக்த்யா ஶிவோ(அ)ஹம்॥2॥
आभातीदं विश्वमात्मन्यसत्यं
सत्यज्ञानानन्दरूपे विमोहात्।
निद्रामोहात्स्वप्नवत्तन्न सत्यं
शुद्धः पूर्णो नित्य एकः शिवोऽहं॥3॥
ஆபா”தீத’ம் விஶ்வமாத்மன்ய-ஸத்யம்
ஸத்யஞ்ஞா’னானந்த’-ரூபே விமோஹாத்।
நித்’ரா-மோஹாத்-ஸ்வப்னவத்தன்ன ஸத்யம்
ஶுத்’த”: பூர்ணோ நித்ய ஏக: ஶிவோ(அ)ஹம்॥3॥
नाहं जातो न प्रवृद्धो न नष्टो
देहस्योक्ताः प्राकृताः सर्वधर्माः।
कर्तृत्वादिश्चिन्मयस्यास्ति नाहं
कारस्यैव ह्यात्मनो मे शिवोऽहम्॥4॥
நாஹம் ஜாதோ ந ப்ரவ்ரு’த்’தோ” ந நஷ்டோ
தே’ஹஸ்யோக்தா: ப்ராக்ரு’தா: ஸர்வத”ர்மா:।
கர்த்ரு’த்வாதி’ஶ்-சின்மயஸ்யாஸ்தி நாஹம்
காரஸ்யைவ ஹ்யாத்மனோ மே ஶிவோ(அ)ஹம்॥4॥
मत्तो नान्यत्किंचिदत्रास्ति विश्वं
सत्यं बाह्यं वस्तु मायोपक्लृप्तम्।
आदर्शान्तर्भासमानस्य तुल्यं
मय्यद्वैते भाति तस्माच्छिवोऽहम्॥5॥
மத்தோ நான்யத்-கிஞ்சித’த்ராஸ்தி விஶ்வம்
ஸத்யம் பா’ஹ்யம் வஸ்து மாயோபக்ல்ரு’ப்தம்।
ஆத’ர்ஶாந்தர்-பா”ஸமானஸ்ய துல்யம்
மய்யத்’வைதே பா”தி தஸ்மாச்சிவோ(அ)ஹம்॥5॥
அத்’வைதபஞ்சரத்னம் ஸம்பூர்ணம்॥
मनीषापञ्चकम्॥
மனீஷாபஞ்சகம்॥
जाग्रत्स्वप्नसुषुप्तिषु स्फुटतरा या संविदुज्जृम्भते
या ब्रह्मादिपिपीलिकान्ततनुषु प्रोता जगत्साक्षिणी।
सैवाहं न च दृश्यवस्त्विति दृढप्रज्ञापि यस्यास्ति चे-
च्चाण्डालोऽस्तु स तु द्विजोऽस्तु गुरुरित्येषा मनीषा मम ॥ 1 ॥
ஜாக்’ரத்-ஸ்வப்ன-ஸுஷுப்திஷு ஸ்புடதரா யா ஸம்விது’ஜ்-ஜ்ருʼம்ப”தே
யா ப்’ரஹ்மாதி’-பிபீலிகாந்த-தனுஷு ப்ரோதா ஜக’த்ஸாக்ஷிணீ।
ஸைவாஹம் ந ச த்’ருʼஶ்யவஸ்-த்விதி த்’ருʼட”-ப்ரஜ்ஞாபி யஸ்யாஸ்தி சேச்-
சாண்டா’லோ(அ)ஸ்து ஸ து த்’விஜோ(அ)ஸ்து கு’ருரித்யேஷா மனீஷா மம॥ 1॥
ब्रह्मैवाहमिदं जगच्च सकलं चिन्मात्रविस्तारितं
सर्वं चैतदविद्यया त्रिगुणया शेषं मया कल्पितम्।
इत्थं यस्य दृढा मतिः सुखतरे नित्ये परे निर्मले
चाण्डालोऽस्तु स तु द्विजोऽस्तु गुरुरित्येषा मनीषा मम ॥ 2॥
ப்’ரஹ்மைவாஹமித’ம் ஜக’ச்ச ஸகலம் சின்மாத்ர-விஸ்தாரிதம்
ஸர்வம் சைதத’வித்’யயா த்ரிகு’ணயா ஶேஷம் மயா கல்பிதம்।
இத்தம் யஸ்ய த்’ருʼடா” மதி: ஸுகதரே நித்யே பரே நிர்மலே
சாண்டா’லோ(அ)ஸ்து ஸ து த்’விஜோ(அ)ஸ்து கு’ருரித்யேஷா மனீஷா மம॥ 2॥
शश्वन्नश्वरमेव विश्वमखिलं निश्चित्य वाचा गुरो-
र्नित्यं ब्रह्म निरन्तरं विमृशता निर्व्याजशान्तात्मना।
भूतं भाति च दुष्कृतं प्रदहता संविन्मये पावके
प्रारब्धाय समर्पितं स्ववपुरित्येषा मनीषा मम ॥ 3 ॥
ஶஶ்வன்னஶ்வரமேவ விஶ்வமகிலம் நிஶ்சித்ய வாசா கு’ரோர்-
நித்யம் ப்’ரஹ்ம நிரந்தரம் விம்ருʼஶதா நிர்வ்யாஜ-ஶாந்தாத்மனா।
பூ”தம் பா”தி ச து’ஷ்க்ருʼதம் ப்ரத’ஹதா ஸம்வின்மயே பாவகே
ப்ராரப்’தா”ய ஸமர்பிதம் ஸ்வவபுரித்யேஷா மனீஷா மம ॥ 3॥
या तिर्यङ्नरदेवताभिरहमित्यन्तः स्फुटा गृह्यते
यद्भासा हृदयाक्षदेहविषया भान्ति स्वतोऽचेतनाः।
तां भास्यैः पिहितार्कमण्डलनिभां स्फूर्तिं सदा भावय-
न्योगी निर्वृतमानसो हि गुरुरित्येषा मनीषा मम ॥4॥
யா திர்யங்-நரதே’வதாபி”ரஹமித்யந்த: ஸ்புடா க்’ருʼஹ்யதே
யத்’பா”ஸா ஹ்ருʼத’யாக்ஷ-தே’ஹ-விஷயா பா”ந்தி ஸ்வதோ(அ)சேதனா:।
தாம் பா”ஸ்யை: பிஹிதார்க-மண்ட’லனிபா”ம் ஸ்பூர்திம் ஸதா’ பா”வயன்-
யோகீ’ நிர்வ்ருʼத-மானஸோ ஹி கு’ருரித்யேஷா மனீஷா மம ॥ 4॥
यत्सौख्याम्बुधिलेशलेशत इमे शक्रादयो निर्वृता:
यच्चित्ते नितरां प्रशान्तकलने लब्ध्वा मुनिर्निर्वृतः।
यस्मिन्नित्यसुखाम्बुधौ गलितधीर्ब्रह्मैव न ब्रह्मवि-
द्यः कश्चित्स सुरेन्द्रवन्दितपदो नूनं मनीषा मम ॥5॥
யத்-ஸௌக்யாம்பு’தி”லேஶ-லேஶத இமே ஶக்ராத’யோ நிர்வ்ருʼதா:
யச்சித்தே நிதராம் ப்ரஶாந்த-கலனே லப்’த்”வா முநிர்-நிர்வ்ருʼத:।
யஸ்மிந்-நித்ய-ஸுகாம்பு’தௌ” க’லிததீ”ர்-ப்’ரஹ்மைவ ந ப்’ரஹ்மவித்’-
ய: கஶ்சித்ஸ ஸுரேந்த்’ர-வந்தி’த-பதோ’ நூனம் மனீஷா மம ॥ 5॥
மனீஷாபஞ்சகம் ஸம்பூர்ணம்॥
यतिपञ्चकम् / कौपीनपञ्चकं ॥
யதிபஞ்சகம்/ கௌபீனபஞ்சகம் ॥
वेदान्तवाक्येषु सदा रमन्तो
भिक्षान्नमात्रेण च तुष्टिमन्तः ।
विशोकमन्तःकरणे चरन्तः
कौपीनवन्तः खलु भाग्यवन्तः ॥ १॥
வேதாʼந்த-வாக்யேஷு ஸதாʼ ரமந்தோ
பி”க்ஷான்ன-மாத்ரேண ச துஷ்டிமந்த:।
விஶோகமந்த:கரணே சரந்த:
கௌபீனவந்த: கலு பா”க்ʼயவந்த:॥ 1॥
मूलं तरोः केवलमाश्रयन्तः
पाणिद्वयं भोक्तुममन्त्रयन्तः ।
कन्थामिव श्रीमपि कुत्सयन्तः
कौपीनवन्तः खलु भाग्यवन्तः ॥ २॥
மூலம் தரோ: கேவலமாஶ்ரயந்த:
பாணித்ʼவயம் போ”க்தும-மந்த்ரயந்த: ।
கந்தாமிவ ஶ்ரீமபி குத்ஸயந்த:
கௌபீனவந்த: கலு பா”க்ʼயவந்த:॥ 2॥
स्वानन्दभावे परितुष्टिमन्तः
सुशान्तसर्वेन्द्रियवृत्तिमन्तः ।
अहर्निशं ब्रह्मसुखे रमन्तः
कौपीनवन्तः खलु भाग्यवन्तः ॥ ३॥
ஸ்வானந்தʼ-பா”வே பரிதுஷ்டி-மந்த:
ஸுஶாந்த-ஸர்வேந்த்ʼரிய-வ்ருʼத்திமந்த:।
அஹர்நிஶம் ப்ʼரஹ்மஸுகே ரமந்த:
கௌபீனவந்த: கலு பா”க்ʼயவந்த:॥ 3॥
देहादिभावं परिवर्तयन्तः
स्वात्मानमात्मन्यवलोकयन्तः ।
नान्तं न मध्यं न बहिः स्मरन्तः
कौपीनवन्तः खलु भाग्यवन्तः ॥ ४॥
தேʼஹாதிʼ-பா”வம் பரிவர்தயந்த:
ஸ்வாத்மானமாத்மன்யவலோகயந்த:।
நாந்தம் ந மத்”யம் ந பʼஹி: ஸ்மரந்த:
கௌபீனவந்த: கலு பா”க்ʼயவந்த:॥ 4॥
ब्रह्माक्षरं पावनमुच्चरन्तो
ब्रह्माहमस्मीति विभावयन्तः ।
भिक्षाशिनो दिक्षु परिभ्रमन्तः
कौपीनवन्तः खलु भाग्यवन्तः ॥ ५॥
ப்ʼரஹ்மாக்ஷரம் பாவன-முச்சரந்தோ
ப்ʼரஹ்மாஹமஸ்மீதி விபா”வயந்த:।
பி”க்ஷாஶினோ திʼக்ஷு பரிப்”ரமந்த:
கௌபீனவந்த: கலு பா”க்ʼயவந்த:॥ 5॥
யதிபஞ்சகம்/ கௌபீனபஞ்சகம் ஸம்பூர்ணம் ॥
निर्वाणषट्कम्॥
நிர்வாணஷட்கம்॥
मनोबुद्ध्यहंकारचित्तानि नाहं
न कर्णं न जिह्वा न च घ्राणनेत्रे।
न च व्योम भूमिर्न तेजो न वायु-
श्चिदानन्दरूपः शिवोऽहं शिवोऽहम्॥1॥
மனோ-புʼத்ʼத்”யஹங்கார-சித்தானி நாஹம்
ந கர்ணம் ந ஜிஹ்வா ந ச க்”ராண-நேத்ரே।
ந ச வ்யோம பூ”மிர்ந தேஜோ ந வாயு-
ஶ்சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥1॥
न च प्राणसंज्ञो न वै पञ्चवायु-
र्न वा सप्तधातुर्न वा पञ्चकोशः।
न वाक्पाणिपादौ न चोपस्थपायू
चिदानन्दरूपः शिवोऽहं शिवोऽहम्॥2॥
ந ச ப்ராண-ஸம்ஞ்ஞோʼ ந வை பஞ்சவாயுர்-
ந வா ஸப்ததா”துர்ந வா பஞ்சகோஶ:।
ந வாக்பாணி-பாதௌʼ ந சோபஸ்தபாயூ
சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥2॥
न मे द्वेषरागौ न मे लोभमोहौ
मदो नैव मे नैव मात्सर्यभावः।
न धर्मो न चार्थो न कामो न मोक्ष-
श्चिदानन्दरूपः शिवोऽहं शिवोऽहम्॥3॥
ந மே த்ʼவேஷ-ராகௌʼ ந மே லோப”-மோஹௌ
மதோʼ நைவ மே நைவ மாத்ஸர்ய-பா”வ:।
ந த”ர்மோ ந சார்தோ ந காமோ ந மோக்ஷ-
ஶ்சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥3॥
न पुण्यं न पापं न सौख्यं न दुःखं
न मन्त्रो न तीर्थं न वेदा न यज्ञाः।
अहं भोजनं नैव भोज्यं न भोक्ता
चिदानन्दरूपः शिवोऽहं शिवोऽहम्॥4॥
ந புண்யம் ந பாபம் ந ஸௌக்யம் ந துʼ:கம்
ந மந்த்ரோ ந தீர்தம் ந வேதாʼ ந யஜ்ஞா:।
அஹம் போ”ஜனம் நைவ போ”ஜ்யம் ந போ”க்தா
சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥4॥
न मृत्युर्न शङ्का न मे जातिभेदः
पिता नैव मे नैव माता च जन्म।
न बन्धुर्न मित्रं गुरुर्नैव शिष्य-
श्चिदानन्दरूपः शिवोऽहं शिवोऽहम्॥5॥
ந ம்ருʼத்யுர்ந ஶங்கா ந மே ஜாதிபே”தʼ:
பிதா நைவ மே நைவ மாதா ச ஜன்ம।
ந பʼந்து”ர்ன மித்ரம் குʼருர்நைவ ஶிஷ்ய-
ஶ்சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥5॥
अहं निर्विकल्पो निराकाररूपो
विभुत्वाच्च सर्वत्र सर्वेन्द्रियाणाम्।
न चासंगतं नैव मुक्तिर्न बन्ध-
श्चिदानन्दरूपः शिवोऽहं शिवोऽहम्॥6॥
அஹம் நிர்விகல்போ நிராகார-ரூபோ
விபு”த்வாச்ச ஸர்வத்ர ஸர்வேந்த்ʼரியாணாம்।
ந சாஸங்கʼதம் நைவ முக்திர்ந பʼந்த” -
ஶ்சிதாʼனந்தʼரூப: ஶிவோ(அ)ஹம் ஶிவோ(அ)ஹம்॥6॥
நிர்வாணஷட்கம் ஸம்பூர்ணம்॥